من طرف 
اذكر اهم المصطلحات الخاصه بالاشتغالات؟
بعض اشتغالات الشباب..2008 :
هارش : يعنى فاهم
- مش هارشا معايا : يعنى مش ماشيا معايا: يعنى مش مقتنع بيها
- نفض: يعنى كبر : يعنى سيبك من الموضوع دة
- خلينا فى الفيوتشار : يعنى اتكلم عن المستقبل وسيبك من الماضى
- انت هتسيح : يعنى انت هتشردنى : يعنى انت هتفتتن عليا
- دهبز يومك وبهرزة عشان يبسبس ويبقى آخر طئطئه : والله ما عارفه
اشرحها بس هى دعوة للتخلى عن الهموم
- سكلمبوح: يعنى مالوش لزمه
- جبت جاز : يعنى جبت اخرى : يعنى مش قادر استحمل اكتر من كده
- سحتوف : يعنى ابن امه
- سبيج اناناس : يعنى الفلوس
- سيس جماجم : يعنى دخن حجر شيشه
- اعمل براشوط : يعنى حاسب على كل"""ممنوع من وضع مثل هذه الكلمات""$3
- امر تحكوس : يعنى كوسه : يعنى واسطه
- بكح اسفلت : يعنى فلست يعنى مش معايا فلوس
- استبليذ : يعنى كله تمام
- تيكاتيكا : دة التطور الطبيعى للاشتغاله
- توتو على كبوتو : يعنى ابجنى تجدنى : يعنى طلع فلوسك على الترابيزة
- سنتر دماغك : يعنى ركز معايا
- الحياة مش مترجمه : يعنى الحياة ملهاش معنى
ودى كانت ورقة اجابه لطالب فى كليه اشتغاله كان عايز ياخد دبلومه فى الاشتغالات عشان يشتغل فى شركة سكلمبوح للسياحه فى دوله سحتوف عشان يتعين فى قسم العلاقات العامه ... وعندما ظهرت النتيجه لقاها راسب جدا ...انهار الشاب وعيط عياط - ياخبر ابيض- وجا له انهيار عصبى ودخل المستشفى ولما خف راحله رئيش كليه الاشتغاله وقله شوف يا ابنى انت كنت ناجح وجايب امتياز بس دلوقتى انت ساقط عملى عشان كده هتعيد السنه تانى .... بالمناسبه اللى عايز يزور الطالب دة ممكن يوصل لحد مستشفى المجانين هيلقيه هناك
اسمحولى دلوقتى بجد اسال سؤال مالقتلوش اى اجابه فى اى كتاب ولا صحيفه ولا حد عارف يجوبنى عليه وهوة منين دخلت الغه دى عندنا ؟؟؟؟ وازاى انتشرت كده؟ وليه انتشرت كده ؟؟؟؟؟ برجاء من يعرف الاجابه يرسلها لى لانى قربت احصل الطالب دة قريبا!!!!!!
